Kismaayo (Waamo Radio) Kooxda Kubada Cagta ee Chelsea Ayaa Waxaa Dhaawac Kasoo Gaadhay Xiddig muhiim ka ah Qorshaha Tababare Frank Lampard ee Xilli Ciyaareedkan iIntii uu Gudanayay Waajibaadka Xulka Qarankiisa Italy.
Daafaca Bidix ee Emerson Palmieri ayaa Laga Saaray Kulanka uu Xulka Qaranka Italy ee La Ciyaarayeen Xulka Finland kana tirsan is reeb-reebka tartanka Euro 2020.
Xiddiga Emerson ayuu Dhaawac Muruqa ah soo Gaadhay isaga oo aan wax Kubad ah Haysan Daqiiqadii 8-aad ee Bilowgii Ciyaarta taas oo Keentay in Lagu Badalo Xiddigii Hore ee Isku Kooxda Ahaan Jireen Florenzi
Dhaawacan Ayaa ah Mid u Xun Kooxda Chelsea Marka Loo Eego in uu Daafaca reer Italy si Cajiib ah ku bilowday xilli Ciyaareedkan Booska Daafaca bidix-na ka Dhigtay Booskiisa Joogtada ah Meeshana Ka Saaray Xidiga Reer Spain ee Marcos Alonso.
Lampard iyo Chelsea ayaa rajaynaya in uuna Dhaawaca soo Gaadhay Xiddigu Noqon Mid Halis ah Taamna u noqdo Kooxda Kulanka Wolves ee Horyaalka Premier League Kadib Fasaxa Xulalka.