Kismaayo(Idaacadda Waamo)-Xiddiga reer Argentine Lionel Messi ayaa ku biiray kooxda Inter Miami wuxuuna iska diiday kooxdiisii hore ee Barcelona iyo waliba kooxda Al-Hilal kuwaas oo lacag waali ah u soo bandhigay.

Xiddiga 35 jirka ah ayaa markii ugu horaysay ka tagay qaarada yurub kadib markii uu joogay 17 sano oo uu ku guulaystay 43 koob.

Messi ayaa ku biiraya kooxda Inter Miami laakiin waxa laga yaabaa in uuna noqon xiddiga kaliya ee ku biiri kara kooxdaas inta uu furanyahay suuqa kala iibsiga xagaagan.

Kooxda uu iska leeyahay xidiga David Beckham ayaa qorshaynaysa in ay Messi kooxda kula soo darto xiddigo uu horay uga soo garab ciyaaray.

Kooxda Inter Miami ayaa doonaysa saxiixa xiddigaha Jordi Alba, Sergio Busquets, Antoine Griezmann, Luis Suarez Iyo xiddiga ay Messi isku xulka yihiin ee Angel di Maria