Kismaayo(Idaacadda Waamo)-Howlo dib u dayactir ah ayaa ka socda wadada isku xirta deegaanada Buulo-Gaduud iyo Janaa Cabdalle ee Gobolka Jubbada hoose taas oo uu burbur xoogan kasoo gaaray daadadkii Elnino ee 2023-kii dalka ku dhuftay.
Wadada oo qaybo ka mid ah la dayactiray ayaa waxaa kormeer shaqo ku tagay Wasiirka Wasaaradda Arimaha Gudaha Fedaraal iyo dib u heshiisiinta Jubbaland asagoona u kuurgalay meelaha dib u dayactirka laga sameeyay wadada iyo meelaha wali burburku ka jiro ee ubaahan in la dayactiro.
Wasiirka Wasaaradda Arimaha gudaha Jubbaland Maxamed Ibaarhim Ogle ayaa sheegay in qaybaha dhiman ee wadadu ka burbursan tahay la dayactiri doono ayna muhiim tahay in Golayaasha Dowlad Goboledka Jubbaland iyo ganacsataduba ay ka qayb qaataan sidii loo dhamaystiri lahaa dhismaha wadadaasi.
Xamdi Maxamed Yaasiin ayaa warbixintaan inooga diyaarisay.