France-(Idaacadda Waamo)-C.ristiano Ronaldo ayaa la gudoonsiiyey abaalmarin ay ku riyoodaan ciyaartoyda oo dhan, Xiddiga kooxda Juventus ayaa la gudoonsiiyay abaalmarinta Cagta Dahabka Ee Golden Foot Award.
Waa abaalmarin qiimo weyn u leh ciyaartoyda kubada cagta, madaama sharciga uu yahay in ciyaaryahan uu kaliya hal jeer ku guuleysan karo waayihiisa ciyaareed oo dhan.
1-dii bishaan December ayaa la shaaciyay in Ronaldo uu yahay xiddiga sannadkan ku guuleystay abaalmarinta, waxaana abaalmarinta lagu gudoonsiiyey xaflad albaabada ay u xirnaayeen oo ka dhacday magaalada Monaco ee dalka France.
Xiddiga reer Portugal ayaa la qaaday sawirka cagihiisa oo lagu soo bandhigay xarunta caanka ah ee “Champions Promenade” ee magaalada Monte-Carlo ee gobolka Monaco.
Abaalmarinta cagta dahabka waa Cristiano Ronaldo ku wareejiyay Louis Ducuet oo ay dhashay amiirada Monaco Stephanie, wuxuuna wakiil ka ahaa amiirka Monaco Prince Albert-ka labaad.
Boqortooyada Monaco ayaa sidoo kale muuqaal hambalyo ah u soo dirtay Cristiano Ronaldo iyo madaxweyna kooxda Juventus Andrea Agnelli.
“Sharaf ayay ayey inoo tahay ismaamulka Monaco inay cagaha guuleyste sida Cristiano Ronaldo iyo madaxweynaha Juventus Andrea Agnelli ku soo kordhiyaan The Champions Promenade.”
| Sannadka | Ciyaaryahan | Kooxda |
|---|---|---|
| 2003 |  Roberto Baggio |
Brescia |
| 2004 |  Pavel Nedvěd |
Juventus |
| 2005 |  Andriy Shevchenko |
Milan |
| 2006 |  Ronaldo |
 Real Madrid |
| 2007 | Alessandro Del Piero |
Juventus |
| 2008 | Roberto Carlos |
 Fenerbahçe |
| 2009 | Ronaldinho |
Milan |
| 2010 | Francesco Totti |
Roma |
| 2011 |  Ryan Giggs |
 Manchester United |
| 2012 |  Zlatan Ibrahimović |
 Paris Saint-Germain |
| 2013 |  Didier Drogba |
Galatasaray |
| 2014 | Andrés Iniesta |
Barcelona |
| 2015 |  Samuel Eto’o |
Antalyaspor |
| 2016 | Gianluigi Buffon |
Juventus |
| 2017 | Iker Casillas |
 Porto |
| 2018 |  Edinson Cavani |
Paris Saint-Germain |
| 2019 |  Luka Modrić |
Real Madrid |
| 2020 | Cristiano Ronaldo |
Juventus |