Kismaayo(Idaacadda Waamo)-Maalinta Caalamiga ah ee Waxbarashada (International Day of Education) waxaa lagu qabtaa 24-ka Janaayo sanad kasta, waxaana ay ujeedkeedu yahay in la xuso muhiimadda waxbarashada iyo doorka ay ku leedahay horumarka bulshada iyo caalamka oo dhan. Maalintan waxaa la qabtaa dhacdooyin iyo wacyigelin ku saabsan sidii loo horumarin lahaa waxbarashada, loona hubin lahaa in dhammaan carruurta iyo dadka waaweyn ay helaan fursad waxbarasho oo tayo leh.
Maalinta Caalamiga ah ee Waxbarashada waxaa lagu taageeraa ujeedooyinka Horumarinta Joogtada ah (Sustainable Development Goals), gaar ahaan ujeedka 4-aad ee ah “Waxbarashada tayada leh iyo barashada dhammaan.” Sidoo kale, maalintan waxaa lagu xusaa xuquuqda qof walba in uu helo waxbarasho iyo sida waxbarashadu uga qayb qaadan karto yareynta faqriga, kor u qaadista caafimaadka, iyo horumarinta bulshada.
Waxaa sidoo kale la dareensiiyo dadka in waxbarashada ay tahay aalad awood u siisa dadka inay ka qayb qaataan bulshooyinka, isla markaana ay wax weyn ka beddelaan noloshooda.
Waxaa muhiim ah in loo wada istaago sidii dhammaan dadka, gaar ahaan haweenka iyo carruurta ku nool meelaha fog-fog, ay helaan waxbarasho tayo leh. Maalintan waxaa sidoo kale lagu xusuusinayaa madaxda iyo hay’adaha caalamiga ah in ay xoojiyaan dadaallada lagu hormarinayo waxbarashada Bulshada Somaliyeed
Gudomiyaha Waxbarshada Gobolka Jubbada Hoose Cabdi Cumar Maxamed ayaa waxuu ugu horeen ka warbixiyaay muhiimada ay maanta kale u leedahay bulshada Somaliyeed
Qaar ka mid ah maamulaaysha iskuulada ku yaall Degmada Kismaayo oo aan ku marti qaaday baranaamijka gaarka ah ayaa waxaan ka wareeystay in ay caruurta ay si si siman wax ubaraan iyo waxa uga qorsheeysan hormarinta waxbarshada ee Deegaanka.
Abdinoor Samriye ayaa warbixintaan inooga diyaariyay.