Kismaayo-(Idaacadda Waamo)-Maalinta Raadiyaha Adduunka,Maalinta Caalamiga ah ee Raadiyaha 2025 13 Raadiyaha sanadkan "Raadiyaha iyo Isbeddelka Cimilada," kaas oo diiradda saaraya "xoogeynta idaacadaha si ay u horumariyaan wax-ka-qabashadooda suugaanta saxaafadeed ee mid ka mid ah arrimaha ugu muhiimsan ee xilligan.
Maalintan caalamiga ah waxaa ansixiyey xubnaha UNESCO sanadkii 2011, waxaana si rasmi ah u aqbalay Golaha Guud ee Qaramada Midoobay sanadkii 2012. Waxaa loo dabaaldegaa sanad walba 13-ka Febraayo.
Raadiyayaashii qadiimiga ahaa ee door weyn ka qaatay xilliyadii nabadda iyo dagaalka.
Xuska Maalinta Raadiyaha Adduunka Sanad kasta, Hay’adda Qaramada Midoobay ee Waxbarashada, Sayniska iyo Dhaqanka (UNESCO) waxay u dabaaldegtaa Maalinta Raadiyaha Adduunka iyada oo la qabanayo hawlo kala duwan oo ay iska kaashanayaan idaacadaha, ururrada, iyo bulshooyinka caalamka oo dhan.
In kasta oo raadiyuhu jiro in ka badan 100 sano, haddana weli waa mid ka mid ah hababka ugu caansan ee lagu gudbiyo wararka, lagu dhiirrigeliyo isdhaafsiga bulshada, laguna baro
dadweynaha. Raadiyuhu wuxuu door muhiim ah ka ciyaaraa ka-qeybgalka dhalinyarada ee
doodaha la xiriira arrimaha saameeya noloshooda.
Raadiyuhu wuxuu badbaadin karaa nolosha dad badan xilliyada musiibooyinka dabiiciga ah ama kuwa bini-aadamka sababo. Sidoo kale, wuxuu suxufiyiinta u yahay madal ay ku baahiyaan xaqiiqooyinka iyo sheekooyinkooda.
Awke Ali Awil ayaa warbixintaan inooga diyaariyay.