Kismaayo(Idaacadda Waamo)-Dunideenu waxay wajaheysaa caqabado badan, qalalaase iyo xoogaga qaybsanaan – sida saboolnimada, rabshadaha, iyo xad-gudubyada xuquuqda aadanaha – iyo kuwo kale oo badan -kuwaas oo wiiqaya nabadda, amniga, horumarka iyo wada noolaanshaha bulsho ee dadyowga adduunka.
Si loo waajaho dhibaatooyinkaas iyo caqabadahaas, sababaha asalka u ah waa in wax laga qabtaa iyada oo kor loo qaadayo lana difaaco ruuxa la wadaago ee wadajirka aadanaha kaas oo leh qaabab badan – midda ugu fudud oo ah saaxiibtinimada.
Iyada oo loo marayo saaxiibtinimada – anagoo uruurinayna isku xirnaanta saaxiibada iyo horumarinta xiriir adag oo kalsooni ah – waxaan wax ku biirin karnaa isbeddellada aasaasiga ah ee degdegga ah ee loogu baahan yahay si loo gaaro xasillooni waarta, waxaan samaynaa shabakad badbaado oo ina ilaalin doonta dhammaanteen, oo dhalin doonta jacayl adduun wanaagsan .
Maalinta caalamiga ah ee saaxiibtinimada waxaa lagu dhawaaqay 2011 Golaha Guud ee
Qaramada Midoobay iyadoo fikradda ah in saaxiibtinimada ka dhexeeya dadyowga, dalalka, dhaqamada iyo shakhsiyaadka ay dhiirigelin karaan dadaallada nabadda iyo dhisida buundooyinka u dhexeeya bulshooyinka.
Qaraarku wuxuu xooga saarayaa ka qayb galinta dhalinyarada, hogaamiyayaasha mustaqbalka, hawlaha bulshada oo ay ku jiraan dhaqamo kala duwan iyo kor u qaadida fahamka caalamiga ah iyo ixtiraamka kala duwanaanshaha.
Si loo xuso maalinta caalamiga ah ee saaxiibtinimada Qaramada Midoobay waxay ku dhiirigelinaysaa dawladaha, ururada caalamiga ah iyo kooxaha bulshada rayidka ah inay qabtaan munaasabado, waxqabadyo iyo hindisayaal gacan ka geysta dadaalka beesha caalamka ee ku wajahan horumarinta wadahadalka ilbaxnimooyinka, wadajirka, isfahanka iyo dib-u-heshiisiinta.
Maalinta Caalamiga ah ee Saaxiibtinimada waa hindise raacaya soo jeedinta ay samaysay UNESCO oo ku qeexday Dhaqanka Nabadda in uu yahay qiyam, dabeecado diidaya rabshadaha iskuna dayaysa in ay ka hortagaan isku dhacyada iyaga oo ka hadlaya sababaha asalka u ah iyada oo la eegayo xalinta dhibaatooyinka.
Awooda saaxiibtinimadu waa mid caalami ah oo gaarta geesaha iyo dhaqamada aduunka oo dhan.
Maalinta Caalamiga ah ee Saaxiibtinimada waxay ku saabsan tahay kor u qaadida
wadajirka iyo naxariista, isu keenida dadka.
Saaxiibtinimadu waxay xoojisaa adkaysiga shucuurta. La wadaagida waqtiyada wanaagsan dadka aad jeceshahay iyo inaad yeelato shabakad saaxiibo ah oo kaa caawiya inaad ka gudubto waayaha xunxun waxay kuu sahlaysaa inaad ka gudubto korka iyo hoos u dhaca nolosha ee lama huraanka ah inay nagu soo tuurto.
Marka aayna ka hadlayno saxiibtinimada iyo bulshadeena Soomaaliyed inta badan dadka saaxiibtimada qadari waa dhalinyarada hadaba si aan wax badan uga ogaano muhiimada xuska maalintaan Caalamiga ah uu u leeyahay bulshada ayaan waraysiyo kala duwan la yeelanay qayabaha kala gadisan ee bulshada ku nool Magaalada Kismaayo ku waas oo aan wax ka waydiinay fahanka guud ee ay ka haystaan maalinta loo asteeyay saaxiibtimada iyo sida loo adkayn karo saaxiibtimada ,wada jirka iyo isku xirnaanta bulshada.
Xamdi Maxamed Yaasiin ayaa warbixintaan inooga diyaarisay.