Kismaayo-(Idaacadda Waamo)-Kooxda kubada cagta ee Liverpool ayaa Garoonka Tottenham Hotspur Stadium ku garaacday Kooxda Tottenham kulan ka tirsan kulamada Horyaalka Premier League ee dalka Ingariiska .
Liverpool oo aad liidatay kulamadii ugu danbeeyay ayaa boorka dib iskaga jiftay xalay iyadoo 3-1 ku garaacday Gooxda Tottenham.
Qeybta hore ciyaarta ayey kooxda Liverpool la timid ilaa hal gool goolkaasna waxaa u dhaliyay xidiiga Roberto Firmino daqiiqadii 45+4 iyadoo lagu kala nastay goolkaasi.
Qeybta dambe coiyaarta ayaa ku bilaawatay weeraro is daba joog ah oo ay soo qaadeysay kooxda Liverpool waxay la timid goolka Labaad ee ciyaarta waxaana u dhaliyey xiddiga Trent Alexander-Arnold daqiiqadii 47-aad oo uu hogaanka u sii dheereeyay kooxdiisa Liverpool.
kooxda Tottenham ayaa heshay hal gool waxaana u dhaliyey xiddiga Pierre-Emile Hoejbjerg kaas oo soo taabtay shabaqa kooxda liverpool Daqiiqadii 47-aad,
Kooxda Liverpool ayaa la timid goolka Sadexaad ee ciyaarta kaas oo uu u dhaliyey xiddiga Sadio Mane Daqiiqadii 65-aad guud ahaan ciyaarta ayaana ku soo idlaatay 3-1 oo ay ku adkaatay Kooxda Liverpool.
Guusha ay Liverpool gaartay ayaa ka dhigan in ay fadhido booska 4-aad ee horyaaalka Premier League iyadoona leh 37 dhibcood halka Tottenham ay leedahay 33 Dhibcood oo ay iyaduna Fadhido booska 6-aad ee kala Sareynta Horyaalka.
