Kismaayo-(Idaacadda Waamo)-Kooxda Real Madrid ayaa garaacday kooxda Chelsea kulan ka tirsanaa lugta 1-aad ee wareega 8 dhamaadka tartanka champions League kana dhacay Bernabue.
Kulanka ayaa ahaa mid ah chelsea si dar-dar leh ku bilaabatay ciyaarta iyaga oo Real ku qaadayay weeraro halis ah oo ay ku doonayeen goolal, Laakiin Real Madrid ayaa ciyaarta la wareegtay iyaga oo ka fiicnaa kooxda chelsea kuwaas oo goolka hortiisa ku dhibaatooday.
Daqiiqadii 21-aad ayay Real Madrid dhalisay goolka 1-aad ee ciyaarta waxana u dhaliyay xiddiga Karim Benzema kaas oo hogaanka u dhiibay kooxdiisa.
Kooxda Chelsea ayaa kaadhka cas ee tooska ah looga taagay xiddiga daafaca uga ciyaara ee Ben Chilwell kaas oo kooxdiisa kaga baxay 10 xiddig.
daqiiqadii 74-aad ayay Real Madrid dhalisay goolkeeda 2-aad ee ciyaarta waxaana u dhaliyay xiddiga Marco Asensio kaas oo ciyaarta ka dhigay 2/0 ay Real ku hogaaminayso.
Waxa sidaas ku dhamaatay ciyaarta oo ay Real Madrid guul 2/0 ah ka gaadhay chelsea isla markaas tallaabo u qaaday wareega xiga ee tartanka.