Barcelona ayaa doonaysa inay kusoo laabato wadada guulaha kulanka ay caawa gegida Reale Arena ku booqanayso dhigeeda Real Sociedad.
Barca ayaa labadii kulan ee ugu dambeeyay kala soo kulantay guuldarrooyin hammigeedii xilli ciyaareedka dhulka dhigay kooxaha Eintracht Frankfurt iyo Cadiz, kooxda ree Germany ayaa Europa League ka reebtay halka Cadiz oo heerka labaad inay u dhacdo ka ordaysaa ay laashay loolankeedii La Liga.
Wararka Labada Kooxood Ee Kulanka Kahor
Tababare Imanol Alguacil ayaa qaba dhibaatooyin cusub oo dhinaca safka kooxdiisa ah, khadka dhexe ee David Silva ayaa ah xiddigii ugu dambeeyay ee maqan kaddib kaadh casaan ah oo uu qaatay kulankii Real Betis ee toddobaadkii hore.
Dhinaciisa xavi Hernandez ayaa u muuqda mid helaya warar wanaagsan oo xiddigihii ka maqnaa ah, Gerard Pique ayaa kasoo laabtay dhaawac isla markaana la safray xiddigaha kale ee kooxda halka Ronald Araujo uu diyaar yahay kaddib hal kulan oo uu ganaax ku maqnaa.
Taas ayaa ka dhigan in xiddigaha wali Barcelona ka maqani ay kala yihiin Sergi Roberto iyo Ansu Fati oo kaliya oo iyagu dhaawacyo mudo dheer qabay.
Shaxda Macquulka Ah Ee Labada Dhinac
Real Sociedad (4-3-3): Remiro; Zaldua, Zubeldia, Le Normand, Rico; Merino, Zubimendi, Rafinha; Portu, Sorloth, Isak
Barcelona (4-3-3): ter Stegen; Alves, Pique, Araujo, Alba; Frenkie de Jong, Busquets, Gavi; Dembele, Aubameyang, Torres
Xogta Kulanka
Tartanka: La Liga
Garoonka: Raele Seguros Stadium
Wakhtiga: 10:30 habeenimo xilliga geeska Africa
Garsoore: Carlos del Cerro