Kismaayo-(Idaacadda Waamo)-Man United ayaa caawa siddeed dhammaadka tartanka Carabao Cup la ballansan kooxda heerka saddexaad ee horyaalada England ee Charlton Athletic.
Red Devils ayaa guul ay ku gaadhaan Old Trafford wareega afar dhammaadka ee Carabao Cup kaga xaadiri doona xilli koob kasta muhiim u yahay xilli ciyaareedkan maadaama ay mudo abaaraysnaayeen.
Wararka Labada Kooxood Ee Kulanka Kahor
Tababare Erik Ten Hag ayaa isbedelo badan samayn kara isagoo kulankiisii koowaad ciyaarsiin kara goolhaye Jack Butland oo dhawaan Crystal Palace amaah ugaga yimid halka Lindelof iyo Maguire daafaca dhexe ku midoobi karaan.
Bruno Fernandes ayaa ganaax ku seegaya ciyaartan taas oo fursad u noqon karta da’yarka Zidane Iqbal, Garnacho ayaa garabka bidix kusoo bilaaban kara bedelka Marcus Rashford.
Dhinaca Charlton waxa dhaawac kaga maqnaan doona goolhaye Joe Wollacott iyo Mandela Egbo iyo Diallang Jaiyesimi.
Shaxaha Macquulka Ah Ee Labada Kooxood
Man United (4-3-3): Butland; Wan-Bissaka, Lindelof, Maguire, Malacia; Fred, McTominay, Iqbal; Antony, Martial, Garnacho
Charlton Athletic (4-3-3): MacGillivray; Clare, Ness, Inniss, Sessegnon; Fraser, Dobson, Morgan; Blackett-Taylor, Stockley, Rak-Sakyi
Xogta Kulanka
Tartanka: Carabao Cup
Wakhtiga: 11:00 habeenimo xilliga geeska Africa
Garoonka: Old Trafford