HORDHAC: Man City v Real Madrid

By
admin
-
0
100

Real Madrid ayaa caawa marti u ah kooxdii ay xilli ciyaareedkii hore wareegan afar dhammaadka Champions League ku reebtay ee Manchester City.

Labada kooxood ayaa 1-1 kusoo galay lugtii hore, Sky Blues ayaa doonaya inay aarsadaan caawa Finalkana ugu tagaan Inter Milan halka Madrid isha ku hayso Final ay ku helayso koobkeedii 15-aad ee noocan ah.

Wararka Labada Kooxood

Man City markale waxa kaliya ka maqnaan doona daafaca bidix ee Nathan Ake, waxa la filayaa in Pep saddexdiisa daafac u xusho Walker, Dias iyo Akanji halka Stones khadka dhexe kala ciyaari doono Rodrigo.

Grealish iyo Bernardo ayaa markale garbaha weerarka kaga soo hormari doona Foden iyo Mahrez halka Gundogan iyo De Bruyne ka dambayn doonaan Haaland.

Dhinaca Real Madrid waxa kaliya werwer ka hayaa taam ahaanshaha Eduardo Camavinga, tababare Ancelotti ayaa kalsooni ku qaba inuu diyaar u yahay kulankan halka Ferland Mendy usoo laabtay Los Blancos.

Militao oo lugtii hore ganaax ku maqnaa ayaa daafaca dhexe kula soo bilaaban kara Rudiger iyadoo Alaba daafaca bidix loo wareejinayo.

Valverde ayaa markale labada ruugcaddaa ee Kroos iyo Modric khadka dhexe kala dheeli kara halka Rodrygo weerarka kala qayb qaadan karo Benzema iyo Vinicius.

Shaxaha Macquulka Ah

Man City (3-4-2-1): Ederson; Walker, Dias, Akanji; Silva, Stones, Rodri, Grealish; De Bruyne, Gundogan; Haaland

Real Madrid (4-3-3): Courtois; Carvajal, Militao, Rudiger, Alaba; Valverde, Kroos, Modric; Rodrygo, Benzema, Vinicius Jr

Xogta Kulanka

Tartanka: Champions League

Garoonka: Etihad Stadium

Wakhtiga: 10:00 habeenimo xilliga geeska Africa

Garsoore: Szymon Marciniak (Poland)

LEAVE A REPLY

Please enter your comment!
Please enter your name here