Liverpool ayaa rajaynaysa in guul ay caawa ka gaadho Wolves ay ugu gudubto wareega afraad ee FA Cup kulan ka qabsoomi doona Anfield.
Liverpool ayaa kulankan imanaysa kaddib guuldarradii 3-1 ka ahayd ee horyaalka kasoo gaadhay Brentford, jamaahiirta ayaa u oon qaba guul ay ugu soo laabtaan wadada guulaha.
Wararka Labada Kooxood Ee Kulanka Kahor
Liverpool ayay ka maqnaan doonaan Diogo Jota, Luis Diaz iyo Arthur Melo oo dhaawacan, sidoo kale daafaca dhexe ee Virgil Van Dijk ayaa liiska dhaawacyada kula biiray.
Liverpool ayuu usoo laabanayaa kabtan Jordan Henderson oo ka maqnaa kulankii ugu dambeeyay si lamid ah Roberto Firmino.
Kelleher ayaa goolka kusoo bilaaban kara iyadoo ay afarta daafac dheeli karaan Calvin Ramsay, Nat Phillips, Gomez iyo Tsimikas.
Saxeexa cusub ee Cody Gakpo ayaa kusoo bilaaban kara doorka No.9 haddii uu tababare Jurgen Klopp doorto inuu fadhiisiyo Darwin Nunez oo ku ciyaaro Carvalho.
Wolves ayaa dhinaceeda dhaawacyo ku waayaysa xiddigaha kala ah Chiquinho, Pedro Neto, iyo Sasa Kalajdzic, tababare Julen Lopetegui ayaa la filayaa inuu shax xoogan kusoo galo.
Liverpool (4-3-3): Kelleher; Ramsay, Phillips, Gomez, Tsimikas; Keita, Henderson, Jones; Salah, Gakpo, Carvalho
Wolves (4-2-3-1): Sa; Semedo, Collins, Kilman, Bueno; Neves, Nunes; Hee-Chan, Moutinho, Podence; Costa
Xogta Kulanka
Tartanka: FA Cup
Garoonka: Anfield
Wakhtiga: 11:00 habeenimo xilliga geeska Africa
Garsoore: Andy Madley