Kismaayo(Idaacadda Waamo)-Kooxda kubadda cagta Bayer Leverkusen ayaa si rasmi ah ugu dhawaaqday la wareegtay Granit Xhaka oo ay kala soo wareegtay kooxda Arsenal, waxaana uu u saxeexay heshiis shan sannadood ah oo socon doona illaa sanadka 2028, waxaana kooxda Bayer Leverkusen ay ku bixinaysaa €25 milyan oo Euro.
Granit Xhaka ayaa xilli-ciyaareedkii tegay ee 2022/23 uu u ahaa sanadkiisii ugu fiicnaa waayihiisa Arsenal oo uu bandhig qaab ciyaareed heer sare ah, isla markaana ka caawiyey in ay ku dhamaystaan kaalinta labaad ee horyaalka Premier League, halka xilli-ciyaareedyadii ka horreeyey ay ku dhamaysteen kaalmaha toddobaad iyo shanaad.
