Kismaayo(Idaacadda Waamo)-Xiddiga da’da yar ee reer Brazil, Endrick, ayaa muujiyay sida uu ugu faraxsan yahay guushii kooxdiisa ay ka gaartay Real Sociedad kadib kulan waalli ah oo dhexmaray labada kooxood.kulanka lugtiisa labaad wuxuu kusoo idlaaday barbaro.
Endrick ayaa sheegay in inkastoo uu jeclaan lahaa guulo fudud, hadana dareenka ay la wadaagaan taageerayaashu uu yahay mid gaar ah. “Waan jeclahay waallidan. Dabcan, waxaan rabaa inaan si sahlan u guuleysano, laakiin markaan aragno taageerayaashayada sidaan u dabaaldegayaan, iyo xitaa kaydka ciyaartoyda… waa waxa keliya ee i jecleysiiya inaan Real kasii ciyaaro,” ayuu yiri.
Ciyaaryahankan, oo 17 jir ah, ayaa horeyba u muujiyay tayadiisa sare, isagoo ka mid ah rajada mustaqbalka ee kubadda cagta. Kooxdiisa ayaa xalay ku guuleysatay kulan adag, taasoo sii xoojisay kalsoonida Endrick ee ah inuu guulo waaweyn la gaari doono kooxda.
Taageerayaashu waxay si weyn ugu riyaaqeen kalgacalka uu u hayo kooxda iyo sida uu ula wadaagayo farxaddooda. Endrick ayaa rajaynaya inuu sii wado bandhigyadiisa wanaagsan si uu kooxda ugu hoggaamiyo guulo badan.