Kismaayo(Idaacadda Waamo)-Kooxda Borussia Dortmund ayaa milix marisay dhaawaca Chelsea iyaga oo guuldaro dhabarka u saaray kulan ka tirsanaa tartanka champions league.
Qaybta hore ee ciyaarta ayaa ahayd mid isku dheeli tiran oo ay labada kooxood mid walba dhinaceeda heshay fursado cajiib ah, Laakiin labada kooxood ayaa qaybta hore ku kala baxay bar-baro gool la’aan ah xilli ay Dortmund kuwaas oo u qalmay in ay goolal dhaliyaan.
Ciyaarta ayaa qaybta dambe ahayd mid ka duwan qaybta hore waxana ay labada kooxoodba sameeyeen fursado aan kala joogsi lahayn oo ay ku doonayeen goolal.
Daqiiqadii 63-aad ayay Borussia Dortmund dhalisay goolka 1-aad ee ciyaarta waxana u dhaliyay xiddiga Karim Adeyemi kaas oo hogaanka u dhiibay kooxdiisa ciyaartana ka dhigay 1/0.
Kadib goolka markii laga dhaliyay Chelsea ayaa wax walba u samaysay sidii ay u dhalin lahayd goolka bar-baraha xilli ay Dortmund daafac gashay.
Waxa sidaas ku dhamaatay ciyaarta oo ay Dortmund dhabarka u saartay chelsea guuldaro kale oo xanuun badan xilli dhibaatada chelsea ee guuldarooyinka xidhiidhka ah.