Kismaayo(Idaacada Waamo) Kooxda Man United ayaa Rikoor Cusub Ka Dhigtay Premier League Kadib Guushii 3/0 ahayd ee ay Ka Gaaray Kooxda Watford Kana Tirsanaa Todobaadkii 27-aad ee Horyaalka Premier League.
Goolal ay Dhaliyeen Bruno Fernandes, Anthony Martial iyo Mason Greenwood ayaa Man United Ka Caawiyay in ay Gaaro Guul Muhiim ah oo Ka Caawisay in ay Kor u Fuusho Kala Saraynta Horyaalka Premier League.
Goolka 1-aad ayaa ahaa Rikoore Kaas oo uu Gool u Badalay Xiddiga Khadka Dhexe ee Kooxda Man United ee Burno Fernandes Kaas oo Furtay Akoonkiisa Goolasha.
Kooxda Man United ayaa Dhigtay Rikoor Cusub oo Premier League ah Kadib Markii ay Noqotay Kooxda Rikoorada ugu Badan Lagu abaalmariyay Horyaalka Premier League Labadii Xilli Ciyaareed ee ugu Dambeeyay.
Kooxda Man United ayaa Heshay 22 Rikoore Labadii Xilli Ciyaareed ee ugu Dambeeyay iyada oo Xilli Ciyaareedkii Hore Loo Dhigay 12 Rikoore Halka Xilli Ciyaareedkan Loo Dhigay 10 Rikoore.
Wargayska The Times ayaa Sheegaya in ay Kooxda Man United Noqotay Kooxdii ugu Horaysay ee Sidaasi Samaysay Horyaalka Premier League Labadii Xilli Ciyaareed ee ugu Dambeeyay.
