Kismayo(Idaacadda Waamo)- Ciyaaryahanka kooxda Real Sociedad Martin Zubimendi ayaa jeclaan lahaa inuu u ciyaaro Real Madrid inkasta oo uu xiiso ka helayo kooxda Arsenal.
Ciyaaryahanka Zubimendi waxa uu ku dhawaaday in uu ku biiro Liverpool xagaagii 2024-kii, laakiin xiddiga khadka dhexe ee xulka qaranka Spain ayaa wakhti dambe go’aansaday in uu Iska sii joogo kooxdiisa.
Arsenal ayaa lala xiriirinayay xiddiga iyada oo ay u dhaqaaqday saxiixiisa maalimihii ugu dambeeyay ee suuqii January, Laakiin Real Madrid ayaa haatan ku Soo Biirtay tartanka loogu jiro Saxiixa xiddiga khadka Dhexe.
Sida laga soo xigtay Defensa Central, inkastoo Madrid aysan go’aan kama dambeys ah ka gaarin Zubimendi, ciyaaryahanka khadka dhexe qudhiisa ayaa doonaya in uu ku biiro kooxda Real Madrid halkii uu ku biiri lahaa Kooxda Arsenal.