Kismaayo(Idaacadda Waamo)-Kooxda Arsenal ayaa lagu Soo waramayaa In loo Soo bandhigay fursad ay kula saxiixan Karto weeraryahanka kooxda PSG ee Randal Kolo Muani suuqa january.
Arsenal ayaa la filayaa in ay suuqa gasho bisha Soo socota iyada oo dhaawacyada badalayaan qorshihii ay u dajisay suuqa january.
Xiddiga Bukayo Saka ayaa ka dhaawacmay muruqa waxana la filayaa in uu garoomada ka maqnaado muddo bilo ah taas oo dhabar jab ku ah kooxda Arsenal.
Kolo Muani, ayaa ku dhibtooday inuu boos joogto ah ka helo tababare Luis Enrique ee PSG xilli ciyaareedkan, isagoo ku soo bilowday kaliya labo kulan tartamada oo dhan ilaa haatan.
Xiddiga 26 jirka ah ayaa la filayaa in uu kooxdiisa ka codsado in uu isaga tago kooxda marka uu furmin suuqa january.
Sida laga soo xigtay The Standard, Arsenal ayaa la filayaa inay ka mid noqoto kooxaha fursada u heli doona in ay helaan saxiixan xiddiga.