Kismaayo(Idaacadda Waamo)-Waxaa Isniintii shalay magaalada Afgooye ku geeriyooday, ALLAH ha u naxariistee, Jeylani Khalif oo ahaa Goolhayihii hore ee kooxda kubadda cagta Horseed iyo Xulka Qaranka Soomaaliya.
Jeylani Khalif oo lagu nanaaneesi jiray “Baba Jeey” ayaa lagu tilmaamaa in uu ahaa goolhayihii ugu fiicnaa ee soo maaraya kooxihi kubbada cagta Soomaaliya, isaga oo xulka qaranka u saftay in ka badan 100 kulan.