Kismaayo(Idaacadda Waamo)-Manchester United ayaa wajahaysa kooxda Bodo/Glimt ee Europa League, iyadoo tababaraha cusub Ruben Amorim uu raadinayo guushiisii ugu horreysay ee Old Trafford iyo guud ahaan shaqadiisa cusub.
Kabtanka kooxda, Bruno Fernandes, ayaa aaminsan in isaga uu si fudud ula qabsan karo qaab-ciyaareedka cusub ee tababaraha marka loo eego ciyaartoyda da’da yar. Amorim ayaa kulankiisii ugu horreeyay isticmaalay nidaamka 3-4-3, iyadoo xiddiga Amad Diallo loo adeegsaday boos cusub oo ah daafac garab ah. Waxaa sidoo kale la filayaa in ciyaartoy kale ay tijaabiyaan boosaska aan caadiga ahayn.
Fernandes, oo ah xiddig xulka Portugal, ayaa sheegay in khibradiisa heerka caalami ay siinayso dabacsanaan badan, isagoo intaa ku daray in uu horeba u garanayay farsamooyinka Amorim markii uu joogay Sporting.
“Ma aanan akhrin waxa tababaraha uu halkaas ka samaynayo, waxaan daawanayay ciyaarahooda.”