Kismaayo-(Idaacadda Waamo)-Carlo Ancelotti oo ah tababaraha kooxda Real Madrid ayaan qarsanin niyad jabka uu qabo kadib guuldaradii shalay ka soo gaartay kooxda Milan kulan ka tirsanaa tartanka champions League.
Garoonka Santiago Bernabéu Stadium ayaa marti galiyay kulan ka tirsanaa kulamadii 4-aad ee tartanka champions League waxana guuldaro 3/1 ah dusha loo saaray Real Madrid.
Ancelotti ayaa yidhi”Waa inaan ka walaacsanahay, kooxdu ma ahan mid si fiican u shaqeyneysa, kooxdu ma ahan mid isku xiran, waa inaan sii adkeynaa oo aan abaabulnaa”.
Isagoo hadalkiisa sii wata ayuu yiri:”Goolal badan ayaa nalaga dhaliyay, kooxda si fiican uma difaacan waana inaan ka shaqeynaa arrintan”.
Isaga oo hadalkiisa sii wata ayuu yiri”waa in aan diirada saarno waxa aan maanta doonayno in aan qabano waana in aan horumar samayno una dagaalano dhamaan koobabka”.
Kooxda Real Madrid ayaa la kulantay guuldaradii 2-aad ee kulamada champions League ilaa haatan xilli ciyaareedka.