Kismaayo(Idaacadda Waamo)-Kooxda Chelsea ayaa lagu soo waramayaa inay xoojisay xiisaheeda goolhayaha Villarreal Filip Jorgensen iyadoo dalab furitaan ah ka gudbisay 22 jirkaan.
Tababaraha cusub ee Blues Enzo Maresca ayaa raadinaya goolhaye cusub oo uu ka dhigto dooq koowaad waxaana ay dalab hordhac ah ka gudbiyeen goolhayaha kooxda Villarreal.
Robert Sanchez waxaa lagala soo wareegay Brighton & Hove Albion si uu u buuxiyo booska Edouard Mendy xilli ciyaareedkii hore, laakiin kadib dhaawacii soo gaaray, waxaa booskiisa ciyaarayay Djordje Petrovic.
Ciyaaryahanka heerka caalami ee dalka Serbia looma maleynayo inuu kasban karo kalsoonida tababare Maresca , inkastoo goolhaye Kepa Arrizabalaga ay u badan tahay in la iibin doono ka hor dhamaadka suuqa kala iibsiga xagaagan.