Kismaayo-(Idaacadda Waamo)-Kabtanka kooxda Arsenal ee Martin Odegaard ayaa sheegay in ay qaab ciyaareedka fiican ee horumaryaa ee Arsenal ay sabab u tahay in uu heshiis cusub u saxiixo kooxda Arsenal.
Odegaard oo Arsenal sanadkii 2021 kaga soo biiray kooxda Real Madrid ayaa Gunners u saxeexay heshiis wakhti dheer ah oo ku eg dhamaadka xilli ciyaareedka soo socda ee 2028.
Odegaard ayaa u sheegay website-ka rasmiga ah ee Arsenal: “Waxaan u maleynayaa inay jiraan waxyaabo badan, laakiin inta badan waxa aan sameyno koox ahaan, kaliya waxaan doonayaa inaan qeyb ka noqdo taas, runtii aad ayaan ugu faraxsanahay waxa soo socda, sidaa darteed way fududahay inaan qaato go’aanka heshiiska wakhtiga fog ah”
Saxiixa qandaraas cusub wuxuu ahaa go’aan sahlan aniga sababo badan awgood, inta badan waxa aan sameyneyno hadda koox ahaan waa mid gaar ah, waxaana doonayaa inaan qeyb ka noqdo taas”ayuu Odegaard yidhi.
“Sheekadeyda way ka duwan tahay laga yaabee, maadaama aan u wareegay kooxo kala duwan tan iyo markii aan ahaa 16. Arsenal, tan iyo maalintii ugu horeysay, waxaan dareemay wax weyn, tani waa hubaal gurigayga hadda”.