Kismaayo(Idaacadda Waamo)-Kooxda Man United ayaa xaqiijisay inay dhamaystirtay saxiixa Goolhayihii kooxda Inter Milan ee Andre Onana kaas oo maalmihii lasoo dhaafay ay si weyn u doondooneysay Kooxda Man United.
Goolhaye Andre Onana ayaa saxiixay heshiis ilaa xagaaga 2028 isagoo noqday saxiixii 2-aad ee ay sameysay kooxda Man United kadib la wareegidii Mason Mount, Xidiga ayaa lagu iibiyey lacag dhan 45 milyan oo euro isaga oo qalinka ku duugay heshiis wakhti fog ah.
Goolhaye Andre Onana ayaa yiri “In aan ku biiro Manchester United waa sharaf cajiib ah – waxaana si adag u shaqeeyay nolosheyda oo dhan si aan u gaaro xilligan“Inaan ka ciyaaro Old Trafford oo aan difaaco maaliyada waa arin cajiib ah waana khibrad aad u fiican”.