Kismaayo-(Idaacadda Waamo)-Christian Pulisic ayaa lagu wadaa inuu tijaabada caafimaadka u maro kooxda AC Milan 24-ka saac ee soo socoto ka hor inta uusan dhamaystirin heshiiska uu ugu biirayo kooxda ku ciyaarta garoonka San Siro.
Xiddiga reer America ayaa ka mid ahaa xiddigaha ka tagaya kooxda Chelsea, waxaana ay u muuqataa in ay Ac Milan ku guulaystay tartanka loogu jiro saxiixiisa Xiddigan.
Chelsea ayaa Ac Milan horay uga diiday 2 dalab laakiin xiddiga ayaa haatan tijaabada caafimaadka u mari doona kooxda reer Italy, Xiddiga Christian Pulisic ayaa kooxda Ac Milan kula biiri doona Ruben Loftus-Cheek kaas oo isna ku biiray kooxda Todobaadkii hore.
Xiddiga 24 jirka ah ayaa la odhan karaa waxa uu si weyn ugu fashilmay chelsea marka la eego in uu 72 milyan ugu soo biiray kooxda suuqii January ee sanadkii 2019.