Kooxda PSG ayaa si Rasmi ah ugu dhawaaqday saxiixa tababaraha reer Spain ee Luis Enrique kaasoo ay u magacawday tababareheeda cusub ee kooxda.
Tababarihii hore ee xulka qaranka Spain ayaa qalinka ku duugay heshiis 2 sano ah oo uu ku hogaamin doono kooxda ku ciyaarta Garoonka Parc des Princes.
Luis Enrique ayaa shaqada tababaranimo ee kooxda PSG ka badalay tababrihii hore ee kooxda Christophe Galtier kaasoo laga cayriyay shaqada tababaranimo ee kooxda.
tababaraha cusub ee PSG ayaa yiri “Waan ku faraxsanahay inaan ku biiro Paris si aan ugu raaxaysto waayo-aragnimo cusub, aad ayay u farxad badan tahay inaan la kulmo dad cusub, inaan ku noolaado magaaladan, inaan barto luqad cusub”.
tababare Luis Enrique oo 53 Jirkna ayaa la wareegay masuuliyada kooxda PSG 7 Bilood kadib markii uu ka tagay shaqada tababaranimo ee xulka qaranka Spain kadib markii xulka qaranka Spain laga cayriyay kadib markii wareega 16-ka looga reebay xulka Spain koobkii dunida ee dhamaaday.