Kismaayo-(Idaacadda Waamo)-Liverpool ayaa lagu soo waramayaa inay ka fiirsaneyso inay xagaaga u dhaqaaqdo xiddiga khadka dhexe ee Manchester City Kalvin Phillips.
Qaab ciyaareedka xiddiga 27 jirka ah markii uu Joogay Leeds United ayaa keentay in uu xiiso ka helo kooxo badan kuwaas oo ku dagaalamay saxiixiisa.
Kooxda Man City ayaa ku guulaystay saxiixa xiddiga reer England iyada oo lacag badan ugu dhaqaaqday xiddiga kana dhigtay saxiixyadeeda cusub.
Laakiin Kalvin Phillips ayaa ku fashilmay in uu qaab ciyaareedkii looga bartay ku soo bandhigo kooxda Man City xilli ciyaareedkan.
Kalvin Phillips ayaa lagu soo waramayaa in uu diyaar u yahay in uu isaga tago kooxda Man City si uu u raadsado koox uu joogto ugu ciyaaro xilli ciyaareedka dambe.
Sida laga soo xigtay Daily Star, Liverpool ayaa diyaar u ah in ay u dhaqaaqdo saxiixa xiddiga si ay ugu xoojiso khadkeeda dhexe xilli ciyaareedka dambe.