Kismaayo-(Idaacadda Waamo)-Kooxda horyaalka Premier League hoggaanka u haysa ee Arsenal ayaa caawa marti ku ah gegida dhibta badan ee Anfield iyagoo booqanaya Liverpool oo aan xaaladii ugu fiicnayd ku jirin.
Gunners ayaa doonaya guul ay farriin ku diraan uguna dhawaadaan hammigooda ah ku guuleysiga horyaalka halka Reds ay carqaladayn karaan korna usoo qaadi karaan rajadooda kaalmaha tartamada Yurub loogu soo baxo.
Wararka Labada Kooxood Ee Kulanka Kahor
Jurgen Klopp ayaa shaxda kooxdiisa kusoo celin kara Trent Alexander-Arnold, Andy Robertson, Virgil van Dijk iyo Mohamed Salah oo ama ka maqnaa ama keydka kusoo bilawday kulankii Chelsea.
Sidoo kale xiddigaha ka dhaawacnaa Resd ee Thiago iyo Luis Diaz ayaa labaduba tababarka buuxa kusoo laabtay kulankana keydka soo fadhiisan kara.
Milner ayaa khadka dhexe kula soo bilaaban kara kabtan Henderson iyo Fabinho halka Gakpo, Jota iyo Mohamed Salah weerarka kasoo wada muuqan karaan iyagoo kasoo hormaraya Darwin Nunez.
Dhinaca Arsenal markale waxa daafaca dhexe kusoo bilaaban kara Rob Holding bedelka Saliba oo dhaawac qaba isagoo daafaca kala dheelaya Gabriel, White iyo Zinchenko.
Partey ayaa la filayaa inuu khadka dhexe kala soo muuqdo iyo Xhaka halka Gabriel Jesus weerarka kaga soo hormari karo Leandro Trossard.
Shaxaha Macquulka Ah
Liverpool (4-3-3): Alisson; Alexander-Arnold, Konate, Van Dijk, Robertson; Milner, Fabinho, Henderson; Salah, Gakpo, Jota
Arsenal (4-3-3): Ramsdale; Ben White, Holding, Gabriel, Zinchenko; Odegaard, Partey, Xhaka; Saka, Jesus, Martinelli
Xogta Kulanka
Tartanka: Premier League
Garoonka: Anfield
Wakhtiga: 6:30 fiidnimo xilliga geeska Africa
Garsoore: Paul Tierney