Kooxda Chelsea ayay warbaahintu sheegaysaa inay ka go’antahay inay suuqa xagaaga la saxeexato gool dhaliyaha Napoli ee Victor Osimahen.
Blues ayaa xagaaga la saxeexanaya Christopher Nkunku oo ay haatanba kala sii heshiiyeen RB Leipzig balse ay ka go’antahay inay helaan weeraryahan dhexe oo buuxa.
Warbixin dhawaan soo baxday ayaa sheegtay in kooxda tababare Graham Potter ay doonayso inay Osimahen kaga horreyso oo ka dulqaado Man United oo dhinaceeda isha kaga haysa.
Sida uu haatan sheegay wargeyska The Mirror, Chelsea ayaa gaadhay heerka ah inay waxkasta u samayn doonto sidii ay Osimahen kagala saxeexan lahayd Napoli.
Osimahen ayaa xilli ciyaareedkan 2022-23 ku jira qaab ciyaareed wanaagsan isagoo 17 gool iyo afar caawimo kusoo sameeyay 21 kulan oo tartamada oo dhan ah.