Man United ayaa isku dayi doonta inay sii wadato guulaha xidhiidhka ah ee ay gaadhayso kulanka ay caawa tartanka FA Cup qaabilayso dhigeeda Everton.
Everton ayay shaqo adagi sugaysaa iyagoo Old Trafford ku booqanaya Man United oo wakhti fiican ku raaxaysanaysa, si gaar ah tababare Frank Lampard ayuu culays ku saaran yahay shaqadiisa oo laga caydhin karo.
Wararka Labada Kooxood Ee Kulanka Kahor
Erik Ten Hag ayuu war wanaagsan u yahay soo laabashada Antony oo ka maqnaa kulankii ugu dambeeyay balse Donny Van De Beek ayaa ku maqnaanaya dhaawacii halista ahaa ee ku gaadhay kulankii Bournemouth.
Diogo Dalot iyo Lisandro Martinez oo soo laabtay kulankii ugu dambeeyay ayaa kusoo bilaaban kara ciyaartan halka Martial isaguna diyaar yahay walow ay jug yari ku gaadhay kulankii ugu dambeeyay.
Tyrell Malacia ayaa daafaca bidix kusoo bilaaban kara iyadoo la nasinayo Luke Shaw, sidoo kale labada da’yar ee Garnacho iyo Anthony Elanga ayaa fursad heli kara.
Amadou Onana oo ganaax kaga maqnaa Everton ciyaartii ugu dambaysay ayaa diyaar ah halka Anthony Gordon usoo laabtay, James Garner, Michael Keane, Andros Townsend iyo Nathan Patterson ayaa dhammaantood dhaawacyo ku maqnaanaya.
Man United (4-2-3-1): de Gea; Dalot, Varane, L Martinez, Malacia; Casemiro, Eriksen; Antony, Fernandes, Rashford; Martial
Everton (4-3-3): Pickford; Coleman, Coady, Tarkowski, Mykolenko; Onana, Gueye, Iwobi; McNeil, Calvert-Lewin, Gray
Xogta Kulanka
Tartanka: FA Cup
Garoonka: Old Trafford
Wakhtiga: 11:00 habeenimo xilliga geeska Africa
Garsoore: Darren England