Kismaayo (Waamo Radio) Goolhaye David De Gea ayaa ugu Dambayn Xaqiijisay in uu heshiis cusub u saxiixatay Kooxda Man United. Kaas oo Qalinka ku Duugay Heshiis Wakhti Dheer ah isaga oo Mustaqbalkiisa u hibeeyay Kooxda Manchester United De Gea ayaa Qalinka ku Duugay Heshiis uu ku Joogi Doono Old Trafford ilaa Xagaaga 2023.
De Gea ayaa ku jiray 9-kii bilood ee ugu dambeeyay heshiiskiisa taas oo shaki weyn ku tuurtay mustaqbalkiisa kooxda
Laakiin Man United ayaa soo afjartay Wararka Xanta ah Kadib Markii Ay Ku Guuleysatay Iney Heshiis Ka Qaaday Xidiga Mustaqbalkiisana u hibeeyay kooxda isaga oo saxiixay heshiis cusub oo 3 sano ah iyo hal sano oo dookh ah.
Goolhayaha reer Spain 28 Sano Jirka ah ayaa Man United joogay tan ilaa 2011 isaga oo ka Mid noqday Goolhayayaasha ugu fiican adudunka Waxayna Kasoo iibsatay Kooxda Reer Spain Athlitico Madrid
Tababaraha Kooxda Man United ayaa si aad ah u Doonayay in uu De Gea kusii Haysto Kooxda isaga oo si weyn u Difaacay Khaldaad uu sameeyay Xidiga Waxana uu Goolhayuhu Haatan Kalsoonida tababarihiisa ugu abaal Guday heshiiskan cusub.