Chelsea-(Idaacadda Waamo)-Trevoh Chalobah ayaa u saxiixay kooxda chelsea heshiis cusub oo 4 sano iyo bar ah kadib qaab ciyaareed cajiib ah oo uu ku bilowday xilli ciyaareedkan.
Daafaca da’da yarka ah, oo 22 jirsaday bishii July, ayaa 10 u ciyaaray chelsea xilli ciyaareedkan waxana uu dhaliyay gool uu ka dhaliyay kooxda Crystal Palace markii ugu horeysay ee uu kasoo muuqdo Stamford Bridge.
Xiddiga ka soo baxay Akademiyada ayaa mustaqbalkiisa u hibeeyay kooxda kadib markii uu kooxda ku soo biiray isaga oo 8 sano jir ah, Kadib heshiiska cusub ee uu saxiixay xiddiga 22 jirka ah ayaa sii joogi doona kooxda ilaa xagaaga 2026 isaga oo ka sii qayb ahaan doona qorshaha kooxda.
