Barcelona-(Idaacadda Waamo) Xiddigii Hore ee Khadka Dhexe ee Kooxda Juventus Miralem Pjanic ayaa Waxaa Ku Dhacay Korona Fayras Kahor inta uusan Bilaabin Waayihiisa Cusub ee Kooxda Barcelona.
Pjanic ayaa usoo wareegay Kooxda Barcelona Horaantii Xagaagan Kadib Markii Lagu Soo Bedeshay Xiddiga aadka uga Da’da yar Arthur Melo Kaasoo u Wareegay Kooxda Marwada Duqda ee Juventus.
Warbixin ay Soo Saartay Kooxdiisa Cusub ee Barcelona Goor Dhaweyd ayaa Lagu yiri:
“Miralem Pjanic Waxaa Laga Helay Korona fayras Kadib Baaritaan uu Maray Shalay Kadib Markii uu Dareemay Xanuun. Ciyaaryahanka Wuxuu Kujiraa Caafimaad Fiican, Wuxuuna Karantiil Ku Galay Gurigiisa.
“Sidaa Darteed, Ciyaaryahanka uma Soo Safri Doono Barcelona Muddo 15 Maalmood ah Si uu ugu Biiro Ciyaartoyda Barcelona.”
Saxiixa Pjanic ayaa aad Loogu Dhaleeceeyay Madaxda Barcelona Horaantii Xagaagan Madaama uu Xidigu uu 30 Sanno Jir yahay islamarkaana ay Kusoo Bedesheen Xiddigoodii Khadka dhexe ee da’da yaraa Arthur Melo Kaasoo Haatan Ku biiray Kooxda Juventus Heshiis Kala Badalasho ah.