Kismaayo(Idaacada Waamo) Kooxda Arsenal ayaa Ku Rajo Weyn in ay Man United Ka aqbali Doonto Dalab Lacageed Dhan 25 Milyan oo euro oo ay Ku Doonayaan Xiddiga Daafaca Ka Ciyaara ee Chris Smalling.
Waxa sidaas sheegay warar ka imanaya Dalka Italy kuwaas oo sheegaya in ay Arsenal doonayso in ay xiddiga reer England ee Chris Smalling dib ugu soo celiso Premier League.
Daafaca Reer Emgland ee Chris Smalling ayaa Qaab Ciyaareed Cajiib ah Ku Qaadanaya Kooxda Ka Dhisan Caasimada Dalka Italy ee AS Roma oo uu Heshiis amaah ah ugu Biiray Xagaagii Lasoo Dhaafay.
Kooxda Roma ayaa ayadana Doonaysa in ay Si Toos ah ula Wareegto Xiddiga Xagaagan Laakiin Waxa ay ilaa Haatan Diidanyihiin Qiimaha Xidiga ee 25-ka Milyan oo ay Man United Dul Dhigtay Madaxa Xiddigan.
Wargayska La Gazzetto dello Sport ayaa Sheegaya in ay Arsenal Haatan Dalab Rasmi ah oo 25 Milyan ah Miiska u Saartay Kooxda Man United si ay u Hesho Saxiixa Xidiga Chris Smalling.
Tababare Mikel Arteta ayaa Doonaya in uu Daafaca Smalling Ka Dhigto Saxiixiisa ugu Horeeya Xilli uu isku Diyaarinayo isku Shaandhayn Xoogan oo uu Ku Samayn Doono Kooxdiisa Arsenal.
