Kismaayo-(Idaacadda Waamo)-Real Madrid ayaa Courtois ku wayday dhaawac gumaarka ah ka hor guuldaradii 1-0 ah ka soo gaartay Mallorca ee horyaalka La Liga galabnimadii Axada, halka Benzema uu dhaawac muruqa ah ka soo gaaray kulankii Valencia todobaadkii hore.
Labada dhaawac ayaan loo arkin kuwo halis ah laakiin labada xiddig ayaan ka qayb gali doono koobka kooxaha adduunka ee ka dhici doona Morocco.
Kooxda Carlo Ancelotti ayaa fiidnimada Arbacada la ciyaari doonta kooxda Al Ahly semi-finalka tartanka ka hor finalka macquulka ah ee ay habeenka sabtida la ciyaari doonaan Flamengo ama Al-Hilal.
Eder Militao ayaa sidoo kale laga saaray Liiska kadib markii uu ku dhaawacmay kulankii Valencia ee todobaadkii hore.
Halkna Hoose Kaga Bogo Liiska Xiddigaha Real Madrid uga qayb gali doona koobka:
Goolhayayaasha: Andriy Lunin, Luis Lopez, Canisares
Daafacyada: Dani Carvajal, David Alaba, Jesus Vallejo, Nacho, Alvaro Odriozola, Antonio Rudiger, Marvel
Khadka dhexe: Toni Kroos, Luka Modric, Eduardo Camavinga, Fede Valverde, Aurelien Tchouameni, Dani Ceballos, Mario Martin, Sergio Arribas.
Weerarka: Marco Asensio, Vinicius Junior, Rodrygo, Mariano.
