Barcelona(Idaacadda Waamo)-Kaddib bixitaankii Lionel Messi ee Kooxda Barcelona, waxa uu banneeyey maaliyadda lambarka 10-aad ee caanka ah ka hor xilli ciyaareedka 2021/22.
Messi ayaa xirnaa maaliyaddan muddo ka badan toban sano, waxaana laacibkan lagu qasbay inuu ka dhaqaaqo Camp Nou, isagoo ka tagay lambarka 10-aad, iyadoo laga yaabo inuu lambarka cusub u xirto Paris, haddii uu dhammaystiro u dhaqaaqistiisa Kooxda Paris Saint- Germain.
Haddaba, yaa xiran doona lambarka 10-aad ee Barcelona? Qofna kuma dhicin inuu taabto intii lagu guda jiray kulankii ay guusha ka gareen Juventus ee Koobka Joan Gamper Trophy, waxaana laga yaabaa in la arko lambarkaan 10-aad oo qofna xiran xilli ciyaareedka soo socda.
Ma jirto ikhtiyaar ah in hawl-gab laga dhigo lambarrada funaanadaha horyaalka La Liga Santander, si ka duwan dhaqan lagu arkay NBA, Serie A iyo xitaa xaaladaha aadka u daran ee horyaalka Premier League, iyadoo Kooxda Chelsea ay hawl-gab ka dhigtay lambarka 25-aad ee uu u xiran jiray Gianfranco Zola.
Inkastoo maaliyadda lambarka 10-aad ay astaan u tahay kubadda cagta guud ahaan, haddana waxa ay Barcelona uga sii culus tahay wax kasta marka loo eego xiddigihii horay u soo xirtay, sida Romario, Ronaldinho, Diego Maradona, Rivaldo iyo Messi.
Xiddigihii ugu dambeeyey ee soo xirtay Maaliyadda lambarka 10-aad ee caanka ah ee Barcelona?
Angel Cuellar (1995-1996)
Giovanni (1996-1997)
Jari Litmanen (1999-2000)
Rivaldo (2000-2002)
Juan Roman Riquelme (2002-2003)
Ronaldinho (2003-2008)
Lionel Messi (2008-2021)
