Yurub(Idaacadda Waamo)Kooxda Barcelona ayaa si raaxo leh isaga xaadirisay wareega siddeeda ee tartanka Champions League, kaddib markii ay 3-1 ku garaacday Napoli oo marti ugu aheyd garoonka Camp Nou, waxayna Blaugrana isku darka labada lugood awooday inay ku soo baxdo 4-2.
Qeybta hore ee ciyaarta ayaa lagu kala maray 3-1 ay ku hoggaamineysay kooxda martida loo ahaa ee Barcelona.
Daqiiqadii 10-aad kooxda Barcelona ayaa hoggaanka u qabatay ciyaarta waxaana 1-0 ka dhigay Clement Lenglet, kaddib markii uu goolkan ka caawiyay Ivan Rakitic.
23 daqiiqo marka ay ciyaarta aheyd Barcelona ayaa dhalisay gool labaad waxaana 2-0 ka dhigay Lionel Mesi.
Daqiiqadii 45-aad Barcelona ayaa dheereysatay hoggaaminta ciyaarta, waxaana rigoore lagu galay Lionel Messi gool u badalay Luis Suarez, ciyaarya ayaana sidaas ku noqotay 3-0.
Balse daqiiqadihii dheerigi ahaa ee lagu daray qeybta hore ee dheesha kooxda Napoli ayaa heshay rigoore waxaana gool ka dhigay Lorenzo Insigne, dheesha ayaana sidaas ku noqotay 3-1.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Ugu dambeyntii ciyaarta ayaa waxay ku soo dhamaatay 3-1 ay kaga adkaatay Barcelona kooxda Napoli oo marti ugu aheyd garoonka Cump Nou.
